RAM necə taxılır: addım-addım təlimat

RAM taxmaq noutbukda edilə bilən ən sadə əməliyyatdır — çox vaxt 10 dəqiqə çəkir və bir vintaçandan başqa heç nə tələb etmir. Bu təlimat modulu seçməkdən sistemin yeni həcmi tanımasına qədər hər addımı əhatə edir.

Başlamazdan əvvəl: üç şeyi bilin

1. Tip: DDR3, DDR3L və ya DDR4 — bir-birinə uyğun gəlmir.
2. Yuva sayı: neçə yuva var, neçəsi doludur.
3. Maksimum həcm: ana platanın dəstəklədiyi hədd.

Bunları necə öyrənmək: noutbukun neçə RAM yuvası var.

Lazım olan alətlər

• Kiçik krest başlı vintaçan (PH0 və ya PH1).
• Plastik açıcı (bütöv alt qapaqlı modellərdə).
• Vintlər üçün kiçik qab.

Addım 1: Cihazı hazırlayın

1. Noutbuku tam söndürün — yuxu rejimi yox.
2. Adapteri çıxarın.
3. Batareya çıxarılandırsa, onu da çıxarın.
4. Güc düyməsini 15-20 saniyə basılı saxlayın — qalıq elektrik boşalsın.
5. Metal səthə toxunub statik yükü boşaldın.

Addım 2: Yuvaya çıxış açın

İki variant var:

• Kiçik lyuk — köhnə modellərdə RAM üçün ayrıca qapaq. 1-2 vint açılır.
• Bütöv alt qapaq — müasir modellərdə. Bütün vintləri açın, sonra plastik açıcı ilə kənarları ehtiyatla ayırın. Metal alət işlətməyin — korpusu cızır.

Vintlər fərqli uzunluqda ola bilər — hansının hardan çıxdığını qeyd edin.

Addım 3: Köhnə modulu çıxarın (lazımdırsa)

1. Modulun hər iki yanındakı metal qıfılları eyni anda kənara doğru itələyin.
2. Modul özü təxminən 30 dərəcə yuxarı qalxacaq.
3. Onu kənarlarından tutub yuvadan düz çəkin.

Modulu zorla dartmayın — qıfıllar açılıbsa, o, sərbəst çıxır.

Addım 4: Yeni modulu taxın

1. Modulun kontakt hissəsindəki kəsiyə baxın — o, yuvadakı çıxıntı ilə üst-üstə düşməlidir.
2. Modulu təxminən 30 dərəcə bucaq altında yuvaya salın. Kontaktlar tam içəri girməlidir — qızıl hissə görünməməlidir.
3. Modulun üst kənarından hər iki tərəfə bərabər basaraq aşağı endirin.
4. Qıfıllar «klik» səsi ilə bağlanacaq.

Addım 5: Yoxlayın

Qapağı tam vintləmədən əvvəl cihazı açın və yeni həcmin göründüyünü yoxlayın:

• Ctrl+Shift+Esc → Performance → Memory — ümumi həcm və yuva sayı.
• Və ya BIOS-a girib yaddaş bölməsinə baxın.

Hər şey qaydasındadırsa, cihazı söndürüb qapağı bağlayın.

Cihaz açılmırsa

Bu, RAM dəyişdirdikdən sonra ən çox rast gəlinən vəziyyətdir və adətən asan həll olunur:

1. Modulu çıxarıb yenidən, daha möhkəm oturdun — ən çox rast gəlinən səbəb natamam oturmadır.
2. Yalnız bir modulla sınayın; sonra digəri ilə. Nasaz modul bu yolla tapılır.
3. Modulları yuvalar arasında dəyişdirin.
4. Kontaktları quru, təmiz parça ilə silin.
5. Statik boşalma edin (adapter və batareya çıxarılı, güc düyməsi 20 saniyə).

Ətraflı diaqnostika: noutbuk açılmır.

Sistem yeni həcmi tam görmürsə

• 32 bitlik Windows maksimum ~3.5 GB görür. Yeniləmə üçün 64 bitlik sistem lazımdır.
• İnteqrasiya qrafika bir hissəni özünə ayırır — 16 GB-da 15.8 GB görünməsi normaldır.
• Ana platanın həddi aşılıb — texniki sənədə baxın.
• Modul düzgün oturmayıb — yenidən taxın.

Tez-tez verilən suallar

• Bütün RAM modulları
• Neçə yuva var
• DDR3 və DDR3L fərqi
• 8 GB, yoxsa 16 GB
• SSD yaddaşlar