Noutbuk açılmır: addım-addım diaqnostika

Noutbuk açılmır — bu, ən qorxuducu görünən, amma çox vaxt ən sadə səbəbi olan problemdir. Servisə aparmazdan əvvəl aşağıdakı ardıcıllığı keçin: hər addım əvvəlkindən bir pillə dərinə gedir və 10 haldan 6-sı ilk üç addımda həll olunur.

Əvvəlcə: problemi dəqiqləşdirin

«Açılmır» sözü üç fərqli vəziyyəti bildirə bilər. Hansı olduğunu müəyyən etmək diaqnostikanı xeyli qısaldır:

Addım 1: Qidalanmanı yoxlayın

1. Rozetkanı dəyişin. Uzadıcı və ya rozetka nasaz ola bilər — ən sadə səbəb ən çox unudulur.
2. Adapterin göstərici işığına baxın. Yanmırsa, problem adapterdədir.
3. Kabeli hərəkət etdirin — xüsusən adapter blokuna və ucluğa yaxın hissədə. İşıq yanıb-sönürsə, kabel daxildən qırılıb.
4. Ucluğu yoxlayın — əyilmə, qaralma, boş oturma varmı.
5. Noutbukun yuvasını yoxlayın — ucluq içəridə tərpənirsə, problem cihazın yuvasındadır.

Adapterin uyğunluğu barədə ətraflı: adapter seçimi bələdçisi.

Addım 2: Statik boşalma (ən çox kömək edən addım)

Bu üsul sadə görünür, amma praktikada çox vaxt işə yarayır — ana platada yığılan qalıq elektrik cihazın açılmasına mane ola bilər.

Addım 3: Ekranı ayırd edin

Cihaz işləyir, amma ekran qaradırsa:

• Diqqətlə dinləyin — ventilyator işləyirmi, disk səsi gəlirmi?
• Ekrana yaxından, işıq altında baxın — çox solğun təsvir görünürsə, problem işıqlandırmadadır (podsvetka), matrisdə yox.
• Xarici monitor qoşun. Monitorda təsvir varsa, noutbukun ekranı və ya şleyfi problemlidir; yoxdursa, problem daha dərindədir.
• Parlaqlıq düymələrini yoxlayın — bəzən sadəcə minimuma düşüb.

Addım 4: RAM modullarını yoxlayın

İşıq yanır, ventilyator işləyir, amma ekranda heç nə yoxdursa və bəzən siqnal səsləri gəlirsə — səbəb çox vaxt RAM-dır.

1. Cihazı söndürün, adapteri çıxarın, statik boşalma edin.
2. Alt qapağı açın, RAM modullarını çıxarın.
3. Kontaktları quru parça ilə silin, modulu yerinə möhkəm oturdun.
4. İki modul varsa, bir-bir sınayın — biri nasazdırsa, digəri ilə cihaz açılacaq.

Ətraflı təlimat: RAM bələdçisi.

Addım 5: Disk və sistem

Loqotip görünür, amma sistem açılmır:

• Xəta mesajını oxuyun. «No bootable device», «Operating system not found» — disk görünmür və ya sistem zədələnib.
• BIOS-a girin (adətən F2, F10 və ya Del). Disk siyahıda görünürmü? Görünmürsə, disk sıradan çıxıb və ya kontakt itib.
• Windows bərpa rejimini sınayın — bir neçə uğursuz açılışdan sonra sistem özü təklif edir.

Addım 6: Səs siqnallarını oxuyun

Bəzi cihazlar açılışda səs siqnalları və ya işıq yanıb-sönmələri ilə xəta kodu verir. Kodların mənası istehsalçıya görə fərqlənir — cihazın modeli ilə birlikdə axtarsanız, dəqiq səbəbi tapmaq mümkündür.

Dell cihazlarında bu, xüsusilə faydalıdır: qidalanma və klaviatura işıqlarının yanıb-sönmə ardıcıllığı konkret komponenti göstərir.

Nə vaxt servisə müraciət etməli

• Cihaz maye ilə təmasda olub.
• Düşüb və ondan sonra açılmır.
• Yanıq iyi gəlir və ya qığılcım görünüb.
• Yuxarıdakı addımların heç biri kömək etməyib.
• Batareya şişib.

Diaqnostika xülasəsi

Tez-tez verilən suallar

• Bütün noutbuklar
• Adapterlər
• RAM modulları
• SSD və disklər
• Noutbuk yavaşlayanda